എസ്ഐയെന്ന് പരിചയപ്പെടുത്തി സൗഹൃദം സ്ഥാപിച്ചു, കൊല്ലത്ത് കടയിൽനിന്ന് 50000രൂപ മോഷ്ടിച്ചയാൾ പിടിയിൽ

കുണ്ടറ(കൊല്ലം):കുണ്ടറ എസ്ഐയെന്ന് പരിചയപ്പെടുത്തി പെരുമ്പുഴയിലെ വ്യാപാരസ്ഥാപനത്തിൽനിന്ന് 50,000 രൂപയുമായി കടന്നയാൾ പിടിയിൽ. കിഴക്കേ കല്ലട ഉപ്പൂട് ക്ലാച്ചേരത്തിൽ വീട്ടിൽ ജോൺസനാ(48)ണ് മോഷണം നടത്തി 48 മണിക്കൂറിനകം കുണ്ടറ പോലീസിന്റെ പിടിയിലായത്. ജങ്ഷനുസമീപം അബ്ദുൾ കലാമിന്റെ നാഷണൽ സ്റ്റോഴ്സിൽനിന്നാണ് പണം കവർന്നത്. വ്യാഴാഴ്ച വൈകീട്ടോടെ തിരുവല്ലയിൽനിന്നാണ് പ്രതിയെ പിടികൂടിയത്.നിരീക്ഷണ ക്യാമറകളിലെ ദൃശ്യങ്ങളും മൊബൈൽ ഫോൺ ലൊക്കേഷനും കേന്ദ്രീകരിച്ച് കുണ്ടറ ഇൻസ്പെക്ടറുടെ നേതൃത്വത്തിൽ നടത്തിയ അന്വേഷണമാണ് പ്രതിയിലേക്കെത്തിയത്. ചൊവ്വാഴ്ച വൈകീട്ട് 3.30-ഓടെയായിരുന്നു മോഷണം. കടയിൽ അബ്ദുൾ കലാം മാത്രമാണുണ്ടായിരുന്നത്. കടയിലെത്തിയ ജോൺസൺ ഉടമയുമായി സൗഹൃദം സ്ഥാപിച്ചു. മരുമകന്റെ കടയിലേക്ക് സാധനങ്ങൾ വേണമെന്നും അവൻ ഉടൻ എത്തുമെന്നും പറഞ്ഞത് കട ഉടമ വിശ്വസിച്ചു.
Source link