കടുത്ത ഡയറ്റുകൾക്ക് പുറകെ പോയില്ല, വ്യായാമം ചെയ്ത് 16 കിലോ കുറച്ചത് ഇങ്ങനെയെന്ന് ഡോക്ടർ

ഏറ്റവുമധികം സമ്മർദം നിറഞ്ഞ ജോലികളിലൊന്നാണ് ഒരു ഡോക്ടറുടേത്. രാവെന്നോ, പകലെന്നോ ഇല്ലാത്ത പ്രൊഫഷനായതുകൊണ്ടുതന്നെ പല ഡോക്ടർമാർക്കും സ്വന്തം ശരീരം പരിപാലിക്കാനും കഴിയാറില്ല. അസമയത്തെ ഭക്ഷണരീതിയും ഉറക്കമില്ലായ്മയുമൊക്കെ വണ്ണംകൂടാനും പലവിധ ആരോ​ഗ്യപ്രശ്നങ്ങൾക്കുമൊക്കെ കാരണമാകും. ഇത്തരത്തിലുള്ള പ്രതിസന്ധികളെയെല്ലാം മറികടന്ന് ഫലപ്രദമായ രീതിയിൽ വണ്ണം കുറച്ചതിനേക്കുറിച്ച് പങ്കുവെച്ചിരിക്കുകയാണ് ലണ്ടനിൽ നിന്നുള്ള സൈമൺ ഡോയ്ൽ എന്ന ഡോക്ടർ. മുപ്പത്തിയഞ്ചുകാരനായ സൈമൺ ആരോ​ഗ്യകരമായ രീതിയിൽ പതിനാറ് കിലോയോളമാണ് കുറച്ചത്. മൂന്നുമാസത്തെ കഠിന പരിശ്രമത്തിലൂടെയാണ് തന്റെ വണ്ണംകുറയ്ക്കൽ യാത്ര വിജയം കണ്ടതെന്ന് സൈമൺ പറയുന്നു. വണ്ണം കുറയ്ക്കാൻ തീരുമാനിക്കുന്നതിന് മുമ്പും ആഴ്ചയിൽ അഞ്ച് ദിവസവും ഒരുമണിക്കൂർവച്ച് ജിമ്മിൽ പോകുമായിരുന്നെങ്കിലും ട്രെയിനിങ് കടുപ്പിച്ചതാണ് ഫലംനൽകിയത്. ശരീരത്തിലെ എല്ലാ പ്രധാന പേശികളെയും കേന്ദ്രീകരിച്ചുള്ള വർക്കൗട്ടാണ് സൈമണിന് ട്രെയിനർ നൽകിയത്.


Source link