ഓഹരികളുടെ ആദ്യ പൊതു വിൽപന (ഐപിഒ) യ്ക്കു മടിച്ചുനിൽക്കുന്ന കമ്പനികൾ വിപണിയെ സമീപിക്കാൻ വൈകാതെ മുന്നോട്ടുവരാനുള്ള സാധ്യത ശക്തമായി. ദ്വിതീയ വിപണിയുടെ വികാരം മെച്ചപ്പെടുന്നതിനനുസരിച്ചു പ്രാഥമിക വിപണിയും സജീവമാകുന്നതാണു പതിവ്. ചില പ്രമുഖ കമ്പനികൾ അടുത്തുതന്നെ ഐപിഒ വിപണിയിലെത്തിയേക്കും. 15,000 കോടി രൂപയുടെ സമാഹരണ ലക്ഷ്യവുമായി മൂലധന വിപണിയിലെത്താൻ ടാറ്റ ക്യാപ്പിറ്റൽ തീരുമാനിച്ചിട്ടുണ്ട്. നിക്ഷേപകർ പ്രതീക്ഷയോടെ കാത്തിരിക്കുന്ന ഐപിഒയാണിത്. തീയതി ഉൾപ്പെടെയുള്ള കാര്യങ്ങളിൽ തീരുമാനമായിട്ടില്ല. എൽജി ഇലക്ട്രോണിക്സ്, സെപ്റ്റോ, എൻഎസ്ഡിഎൽ തുടങ്ങിയവയിൽനിന്നുള്ള ഐപിഒകളും വൈകാതെ ഉണ്ടാകും.
Source link
