ടീമംഗങ്ങളുടെ ചർച്ചയ്‌ക്കിടെ തോളിൽ കയ്യിട്ടയാളെ കണ്ട് ‘കണ്ണുതള്ളി’ വിഘ്നേഷ്; ദൃശ്യങ്ങൾ സമൂഹമാധ്യമങ്ങളിൽ വൈറൽ– വിഡിയോ
മുംബൈ∙ മുംബൈ ഇന്ത്യൻസ് ക്യാംപിലെ പരിശീലനത്തിനിടെ തോളത്ത് കയ്യിട്ട ക്യാപ്റ്റൻ പാണ്ഡ്യയെ കണ്ട് ഞെട്ടി മലയാളി സ്പിന്നർ വിഘ്നേഷ് പുത്തൂര്‍. മുംബൈ ഇന്ത്യന്‍സ് ടീമിലെ പരിശീലന സെഷനിടെയാണ് ടീം ക്യാപ്റ്റൻ ഹാർദിക് പാണ്ഡ്യയും ചർച്ചയിൽ പങ്കെടുക്കാനെത്തിയത്. താരങ്ങള്‍ക്കു പിന്നിൽനിന്ന പാണ്ഡ്യ വിഘ്നേഷിന്റെ തോളത്ത് കയ്യിടുകയായിരുന്നു. ആരാണ് അപ്രതീക്ഷിതമായി പിറകിൽവന്നു നിന്നത് എന്നറിയാൻ മലയാളി താരം തിരിഞ്ഞുനോക്കുന്നുണ്ട്.സാക്ഷാൽ ഹാർദിക് പാണ്ഡ്യയെ കണ്ടതോടെ വിഘ്നേഷിന്റെ കണ്ണു തള്ളുന്നതു ദൃശ്യങ്ങളിൽ വ്യക്തമാണ്. ഐപിഎല്ലിൽ ചെന്നൈ സൂപ്പർ കിങ്സിനെതിരായ ആദ്യ മത്സരത്തില്‍ തന്നെ ഇംപാക്ട് പ്ലേയറായി അവസരം ലഭിച്ച വിഘ്നേഷ് മൂന്നു വിക്കറ്റുകൾ വീഴ്ത്തിയിരുന്നു. സ്ലോ ഓവർ നിരക്കിന്റെ പേരിൽ വിലക്കു നേരിടുന്നതിനാൽ പാണ്ഡ്യ ചെന്നൈയ്ക്കെതിരെ കളിച്ചിരുന്നില്ല. സൂര്യകുമാർ യാദവായിരിന്നു ഈ മത്സരത്തിൽ മുംബൈ ഇന്ത്യൻസിന്റെ ക്യാപ്റ്റൻ.
Source link
