KERALA
തീവണ്ടിയില്‍ കടത്താന്‍ ശ്രമിച്ച 37.09 ലക്ഷം രൂപ പിടിച്ചെടുത്തു; ഒരാള്‍ കസ്റ്റഡിയില്‍
പുനലൂര്‍: തീവണ്ടിയില്‍ രേഖകളില്ലാതെ കടത്താന്‍ ശ്രമിച്ച 37.09 ലക്ഷം രൂപയുമായി ഒരാളെ പുനലൂരില്‍ റെയില്‍വേ പോലീസ് കസ്റ്റഡിയിലെടുത്തു. പത്തനാപുരം കുണ്ടയം സ്വദേശി ഷാഹുല്‍ ഹമീദ് (56) ആണ് കസ്റ്റഡിയിലായത്. ചെന്നൈയില്‍നിന്ന് ബുധനാഴ്ച പുലര്‍ച്ചെ പുനലൂര്‍ വഴി വന്ന ചെന്നൈ എഗ്മോര്‍-കൊല്ലം എക്‌സ്പ്രസില്‍ നിന്നാണ് പണം കണ്ടെടുത്തത്.ഇതരസംസ്ഥാനങ്ങളില്‍നിന്ന് തീവണ്ടിമാര്‍ഗം വന്‍തോതില്‍ ലഹരിവസ്തുക്കളും കുഴല്‍പണവും എത്തുന്നെന്ന വിവരത്തിന്റെ അടിസ്ഥാനത്തില്‍ നടത്തിയ പരിശോധനക്കിടെയാണ് പണം കണ്ടെടുത്തത്. പിടിയിലായ ആളെ ചോദ്യംചെയ്തപ്പോള്‍ രേഖകള്‍ ഹാജരാക്കാനോ പണത്തിന്റെ ഉറവിടം വെളിപ്പെടുത്താനോ കഴിഞ്ഞില്ല. ഇയാള്‍ക്ക് മുന്‍പും ഇത്തരം കേസുമായി ബന്ധമുണ്ടെന്ന് റെയില്‍വേ പോലീസ് പറയുന്നു.
Source link
