8 വയസ്സുകാരൻ ഓൺലൈനിൽ ഓര്‍ഡര്‍ ചെയ്തത് 70,000 ലോലിപോപ്പ്, ബില്ല് മൂന്നര ലക്ഷം; അമ്പരന്ന് അമ്മ
കുഞ്ഞുങ്ങള്‍ അച്ഛന്റേയോ അമ്മയുടേയോ മൊബൈല്‍ ഫോണ്‍ ഉപയോഗിക്കുന്നത് മിക്ക വീടുകളിലും പതിവായ കാര്യമാണ്. പലപ്പോഴും വഴക്ക് പറഞ്ഞാണ് മാതാപിതാക്കള്‍ ഫോണ്‍ മക്കളുടെ കൈയില്‍നിന്ന് വാങ്ങുക. കാര്‍ട്ടൂണും മറ്റും കാണുന്നതിനായി ചെറിയ കുട്ടികള്‍പോലും ഫോണ്‍ ഇത്തരത്തില്‍ ഉപയോഗിക്കാറുണ്ട്. എന്നാല്‍ ഇതിനിടയില്‍ ഒരു എട്ട് വയസുകാരന് സംഭവിച്ചത് വന്‍ അബദ്ധമാണ്. അമ്മയുടെ ഫോണ്‍ ഉപയോഗിച്ച് 70,000 ലോലിപോപ്പുകളാണ് മകന്‍ വാങ്ങിക്കൂട്ടിയത്.ആമസോണില്‍ നിന്ന വന്ന ഓര്‍ഡര്‍ കണ്ട് അമ്മ സ്ത്ബ്ധയായിപ്പോയി. ഏകദേശം 4200 ഡോളറാണ് (മൂന്നര ലക്ഷം രൂപ) അമ്മയുടെ അക്കൗണ്ടില്‍നിന്ന് നഷ്ടമായത്. അമേരിക്കയിലെ കെന്റക്കിയിലാണ് സംഭവം. ഫീറ്റല്‍ ആല്‍ക്കഹോള്‍ സ്‌പെക്ട്രം ഡിസോര്‍ഡര്‍ (FASD) ബാധിച്ച ലിയാം തന്റെ കൂട്ടുകാര്‍ക്കായി ഒരു കാര്‍ണിവല്‍ നടത്താന്‍ ഉദ്ദേശിച്ചിരുന്നു. ഇതിനായി ലോലിപോപ്പുകള്‍ സമ്മാനമായി നല്‍കാനും വിചാരിച്ചിരുന്നു. എന്നാല്‍ ലോലിപോപ്പുകള്‍ ഓര്‍ഡര്‍ ചെയ്തപ്പോള്‍ എണ്ണം കുറച്ചധികമായിപ്പോയി.
Source link
