ആശാവർക്കർമാരുടെ സമരം രാഷ്ട്രീയലക്ഷ്യത്തോടെ ചിലരുടെ ബുദ്ധിയില്‍ ഉദിച്ചുവന്നത് – ഇ.പി.ജയരാജൻ

ആശാവർക്കർമാരെ തെറ്റിദ്ധരിപ്പിച്ച് സെക്രട്ടേറിയറ്റിന് മുന്നിൽ കൊണ്ടുവന്നിരുത്തി അനാവശ്യമായ സമരമുണ്ടാക്കി ആ സ്ത്രീകളെ ബുദ്ധിമുട്ടിക്കുകയാണെന്ന് സിപിഎം നേതാവ് ഇ.പി.ജയരാജൻ. എത്രയും പെട്ടെന്ന് അവര്‍ ഈ സമരം അവസാനിപ്പിക്കണം. സമരത്തിന് എതിരൊന്നുമല്ല. ആവശ്യമില്ലാത്ത സമയത്ത് നടത്തിയ ഈ സമരം രാഷ്ട്രീയലക്ഷ്യത്തോടുകൂടി ചിലരുടെ ബുദ്ധിയില്‍നിന്ന് ഉദിച്ചുവന്നതാണ്. ആ സമരത്തെ ഒരിക്കലും അംഗീകരിക്കാന്‍ കഴിയില്ല. ആശാവർക്കർമാരുടേത് മാത്രമല്ല, ഞങ്ങൾക്ക് കേരളമാകെ കാണണ്ടേ. ജനങ്ങളുടെമേൽ ബാധ്യത അടിച്ചേൽപ്പിച്ച് വലിയ നികുതി പിരിച്ചെടുക്കാനുള്ള സാധ്യതയൊന്നും കേരളത്തിലില്ലെന്നും അദ്ദേഹം പറഞ്ഞു.


Source link