KERALA
ഷൈൻ ബോൾഗാട്ടിയിൽ മുറിയെടുത്തു,പുലർച്ചെയോടെ തൃശ്ശൂർ ഭാഗത്തേക്ക് കടന്നു; നോട്ടീസ് നൽകി വിളിപ്പിക്കും
കൊച്ചി: ഡാന്‍സാഫ് പരിശോധനയ്ക്കിടെ കൊച്ചിയിലെ സ്വകാര്യ ഹോട്ടലില്‍നിന്ന് രക്ഷപ്പെട്ട നടന്‍ ഷൈന്‍ ടോം ചാക്കോയെ ചോദ്യംചെയ്യാനൊരുങ്ങി പോലീസ്. നടനെ നോട്ടീസ് നല്‍കി വിളിപ്പിക്കാന്‍ പോലീസ് തീരുമാനിച്ചു. അതേസമയം, ഹോട്ടലില്‍നിന്ന് ഇറങ്ങി ഓടിയ ഷൈന്‍ അവിടെനിന്ന് കടന്നുകളഞ്ഞത് ബൈക്കിലാണെന്ന് പോലീസിന് വ്യക്തമായിട്ടുണ്ട്.ഹോട്ടലില്‍നിന്ന് ഇറങ്ങി ഓടിയ ഷൈന്‍, ബൈക്കില്‍ ബോള്‍ഗാട്ടിയില്‍ എത്തിയതായാണ് പോലീസ് കണ്ടെത്തല്‍. ഹോട്ടലില്‍നിന്ന് ഇറങ്ങി ഓടുന്ന ഷൈനിന്റെ സിസിടിവി ദൃശ്യം പുറത്തുവന്നിരുന്നു. ഹോട്ടലിന്റെ കോമ്പൗണ്ടിന് പുറത്തെത്തിയ ഷൈന്‍ ബൈക്കില്‍ കയറിയാണ് രക്ഷപ്പെട്ടത് എന്നാണ് വ്യക്തമായത്. ബൈക്ക് ആരുടേതാണ് എന്ന് പോലീസ് അന്വേഷിച്ചുവരികയാണ്. ലിഫ്റ്റ് ചോദിച്ചാണോ പോയത് എന്നതടക്കം പോലീസ് അന്വേഷിക്കും.
Source link
