ട്രംപിന് തൃമധുരം! ബിൽ പാസായി, യുഎസിൽ അപ്രതീക്ഷിത തൊഴിൽ മുന്നേറ്റം, ഓഹരിക്ക് കുതിപ്പ്, സ്വർണം ഇടിഞ്ഞു, സമ്പന്നർക്ക് ‘ബ്യൂട്ടിഫുൾ’ നേട്ടം

യുഎസ് പ്രസിഡന്റ് ഡോണൾഡ് ട്രംപ് കൊണ്ടുവന്ന ‘എ ബിഗ്, ബ്യൂട്ടിഫുൾ ടാക്സ്’ ബിൽ ഹൗസ് ഓഫ് റപ്രസന്റേറ്റീവ്സ് നേരിയ വോട്ടിന്റെ വ്യത്യാസത്തിൽ പാസാക്കി. ബില്ലിൽ‌ ഇന്ന് ട്രംപ് ഒപ്പുവയ്ക്കും. യുഎസ് ഫെഡറൽ ഗവൺെമന്റിന്റെ സാമ്പത്തികച്ചെലവുകൾ വെട്ടിക്കുറയ്ക്കുന്നത് ലക്ഷ്യമിടുന്നതാണ് ബില്ലെങ്കിലും ഫലത്തിൽ ഗവൺമെന്റിന്റെ കടബാധ്യത അടുത്ത ദശാബ്ദത്തിനകം 3.4 ട്രില്യൻ ഡോളർ (ഏകദേശം 292 ലക്ഷം കോടി രൂപ) കൂടാൻ ഇടവരുത്തുന്നതാണ് ബില്ലെന്ന വിമർശനം ശക്തമാണ്.യുഎസിലെ അതിസമ്പന്നർക്കും കോർപറേറ്റുകൾക്കും വൻ സാമ്പത്തിക നേട്ടം സമ്മാനിക്കുന്നതും കുറഞ്ഞ വരുമാനക്കാർക്കും സർക്കാരിൽ നിന്ന് ചികിത്സാ ആനുകൂല്യങ്ങൾ പറ്റുന്നവർക്കും ആശുപത്രികൾക്കും വൻ തിരിച്ചടി നൽകുന്ന നിർദേശങ്ങളും ബില്ലിലുണ്ട്. ഇതിലുമേറെ പ്രസക്തം സോളർ ഉൾപ്പെടെയുള്ള ഹരിതോർജം, ഇലക്ട്രിക് കാറുകൾ എന്നിവയെ തീർത്തും നിരുത്സാഹപ്പെടുത്തുന്നതും ക്രൂഡ് ഓയിൽ, കൽക്കരി, ഗ്യാസ് എന്നിവയുടെ ഉപയോഗം കൂട്ടുന്നതുമായ നിർദേശങ്ങൾ ഉണ്ടെന്നതാണ്. തൊഴിലിൽ‌ വൻ മുന്നേറ്റം; പലിശഭാരം കുറയാൻ സാധ്യത മങ്ങികുതിച്ചുകയറി യുഎസ് ഓഹരികൾതൊഴിൽക്കണക്കിലെ മുന്നേറ്റം ആവേശമാക്കി യുഎസ് ഓഹരി വിപണികൾ ഇന്നലെയും കുതിച്ചുകയറി. വിവിധ രാജ്യങ്ങളുമായി യുഎസ് വ്യാപാര കരാറുകളിൽ എത്തുന്നതും അതിൽ യുഎസിന് മേൽക്കൈ കിട്ടുന്നതും ഓഹരികൾ ആഘോഷമാക്കുകയാണ്. ഡൗ ജോൺസ് 0.77%, നാസ്ഡാക് 1.02%, എസ് ആൻഡ് പി500 സൂചിക 0.83% എന്നിങ്ങനെ ഉയർന്നു. എസ് ആൻഡ് പി500 സൂചികയും നാസ്ഡാക്കും കുറിച്ചിട്ടത് റെക്കോർഡ് ഉയരം.


Source link