‘സ്വർണക്കടത്ത് പഠിച്ചത് യുട്യൂബ് നോക്കി; സ്വർണം നൽകിയത് ആറടി പൊക്കമുള്ളയാൾ, അരക്കെട്ടിലും പോക്കറ്റിലും തിരുകി’

ബെംഗളൂരു∙ ആഫ്രിക്കൻ‍ – അമേരിക്കൻ ശൈലിയിൽ സംസാരിക്കുന്നയാളാണു തനിക്ക് ദുബായ് വിമാനത്താവളത്തിൽ വച്ച് സ്വർണം കൈമാറിയതെന്നു സ്വര്‍ണക്കടത്തു കേസിൽ അറസ്റ്റിലായ കന്നട നടി രന്യ റാവു. ബെംഗളൂരുവിൽ വിമാനത്താവളത്തിന്റെ സർവീസ് റോഡിൽ ഓട്ടോറിക്ഷയിൽ കാത്തുനിൽക്കുന്നയാൾക്കു സ്വർണം കൈമാറാനായിരുന്നു നിർദേശം. ഈ വ്യക്തിയെ മുൻപരിചയമില്ലെന്നും നടി ഡിആർഐ ഉദ്യോഗസ്ഥർക്കു മൊഴി നൽകി.മാർച്ച് ഒന്നിനു വിദേശത്തുനിന്ന് അജ്ഞാതൻ ഫോണിലൂടെ ബന്ധപ്പെട്ടിരുന്നു.‌‌‌‌ രണ്ടാഴ്ചയോളം ഇതു തുടർന്നു. VoIP നെറ്റ്‌വർക്കിൽനിന്നാണ് ഫോൺ വന്നത്. ദുബായ് രാജ്യാന്തര വിമാനത്താവളത്തിലെ ടെർമിനൽ മൂന്നിന്റെ ഗേറ്റ് എയിൽനിന്ന് സ്വർണം കൈപ്പറ്റാനും ഇതു ബെംഗളൂരുവിൽ എത്തിക്കാനുമായിരുന്നു നിർദേശം. മറ്റേതെങ്കിലും രീതിയിൽ ഇതു ബാധിക്കുമോയെന്നു പേടിച്ചതുകൊണ്ടാണ് പൊലീസിനെ വിവരം അറിയിക്കാതിരുന്നതെന്നും രന്യ റാവു പറഞ്ഞു. 


Source link