വാഷിങ്ടൻ ∙ യുഎസ് മുൻ പ്രസിഡന്റ് ജോൺ എഫ്. കെന്നഡിയെ വധിച്ചത് അവരുടെതന്നെ ചാരസംഘടനയായ സിഐഎ ആകാനുള്ള സാധ്യതയെക്കുറിച്ചു സൂചിപ്പിക്കുന്ന റഹസ്യരേഖകൾ പുറത്തുവിട്ടു. കെന്നഡി വധത്തെക്കുറിച്ച് രഹസ്യമാക്കി വച്ചിരുന്നവയിൽ ഏതാനും ഫയലുകളാണ് പ്രസിഡന്റ് ഡോണൾഡ് ട്രംപിന്റെ ഉത്തരവനുസരിച്ച് കഴിഞ്ഞ ദിവസം പുറത്തുവിട്ടത്. ഇതു സംബന്ധിച്ച് പണ്ടേയുള്ള ഊഹാപോഹങ്ങൾക്ക് അടിവരയിടുന്ന വിവരങ്ങളാണ് ഏറെയും.1963 നവംബർ 22നു ഡാലസിൽ വാഹനവ്യൂഹ അകമ്പടിയോടെ ഭാര്യ ജാക്വിലിനൊപ്പം തുറന്ന കാറിൽ സഞ്ചരിക്കുമ്പോഴാണ് കെന്നഡിക്കു വെടിയേറ്റത്. സമീപത്തെ കെട്ടിടത്തിന്റെ ആറാം നിലയി‍ലെ ജനാലയ്ക്കരികിൽനിന്ന് വെടിയുതിർത്ത ലീ ഹാർവി ഓസ്‌വോൾഡ് പിടിയിലായെങ്കിലും 2 ദിവസം കഴിഞ്ഞ് ജയിലിലേക്കു മാറ്റുമ്പോൾ ജാക്ക് റൂബി എന്നയാളുടെ വെടിയേറ്റു മരിച്ചു. ∙ കനക്കുന്ന ദുരൂഹത പുതിയതായി പുറത്തുവിട്ട 63,000 പേജു വരുന്ന 2200 ഫയലുകൾ യുഎസ് നാഷനൽ ആർക്കൈവ്സ് ആൻഡ് റെക്കോർഡ്സ് അഡ്മിനിസ്ട്രേഷന്റെ വെബ്സൈറ്റിലുണ്ട്.
Source link
