വിഴിഞ്ഞം പദ്ധതി; യുഡിഎഫ് ഭരണകാലത്തെ KM മാണിയുടെ ബജറ്റ് പ്രസംഗവുമായി ജോസ് കെ മാണി

കോട്ടയം: വിഴിഞ്ഞം തുറമുഖം പദ്ധതി സംബന്ധിച്ച് ഭരണ-പ്രതിപക്ഷ പോരിനിടയിൽ കെ.എം. മാണിയുടെ പഴയ ബജറ്റ് പ്രസംഗം ഫെയ്ബുക്കിൽ പങ്കുവെച്ച് ജോസ് കെ മാണി. കേരളത്തിന്റെ ത്വരിത വികസനത്തിനുതകുന്ന വിഴിഞ്ഞം തുറമുഖ പദ്ധതി പൂർത്തിയാക്കാൻ ഈ സർക്കാർ പ്രതിജ്ഞാബദ്ധമാണെന്ന 2011ലെ കെ.എം. മാണിയുടെ പ്രസംഗമാണ് പങ്കുവച്ചിരിക്കുന്നത്. പദ്ധതിയുടെ പിതൃത്വത്തെച്ചൊല്ലി എൽ.ഡി.എഫ്.-യു.ഡി.എഫ്. പോര് പാരമ്യത്തിൽ എത്തി നിൽക്കേയാണ് എൽ.ഡി.എഫിനെ വെട്ടിലാക്കി ജോസ് കെ മാണിയുടെ പോസ്റ്റ്. ഉമ്മൻ ചാണ്ടി മന്ത്രിസഭയുടെ കാലത്തെ ബജറ്റ് പ്രസംഗം ജോസ് കെ മാണി പങ്കുവെച്ചതിനെ സൈബർ ഇടങ്ങളിൽ യു.ഡി.എഫ്. ചർച്ചയാക്കിയിട്ടുണ്ട്.


Source link