പുകയിലയുടേയും കഞ്ചാവിന്റേയും ഉപയോ​ഗം; അഞ്ച് വർഷംകൊണ്ട് ഹൃദ്രോ​ഗ മരണങ്ങൾ 50% വർധിക്കുമെന്ന് പഠനം

പുകയിലയുടേയും കഞ്ചാവിന്റേയും ഉപയോ​ഗം വർധിച്ചതിനാൽ അടുത്ത അഞ്ച് വർഷത്തിൽ ഹൃദ്രോ​ഗം മൂലമുള്ള മരണങ്ങൾ 50 ശതമാനം വരെ വർധിച്ചേക്കാമെന്ന് പഠനം. യു.എസ്സിൽ നടന്ന സൊസൈറ്റി ഫോർ കാർഡിയോവാസ്കുലർ ആൻജിയോഗ്രാഫി ആൻഡ് ഇന്റർവെൻഷൻസ് (SCAI) അവതരിപ്പിച്ച പഠനങ്ങളിലാണ് ഈ മുന്നറിയിപ്പുള്ളത്. വെയ്ൻ സ്റ്റേറ്റ് യൂണിവേഴ്സിറ്റിയിലെ ഗവേഷകരുടെ നേതൃത്വത്തിലുള്ള സംഘമാണ് ഇതുസംബന്ധിച്ച പഠനം നടത്തിയത്. 2030-ഓടെ പുകയിലയുടെ ഉപയോ​ഗം മൂലമുണ്ടാകുന്ന ഹൃദ്രോ​ഗ മരണങ്ങളിൽ 43.7 ശതമാനം വരെ വർധനവുണ്ടാകുമെന്നാണ് പഠനത്തിൽ പറയുന്നത്. സ്ത്രീകളുടെ കാര്യത്തിൽ മരണനിരക്ക് കുറവാണെങ്കിലും പുരുഷന്മാരുടെ കാര്യത്തിൽ ആശങ്കാജനകമായ റിപ്പോർട്ടാണ് പുറത്തുവന്നിരിക്കുന്നത്. 1999 മുതൽ 2020 വരെയുള്ള കാലയളവിൽ 25 വയസ്സും അതിൽ കൂടുതലുള്ളവരേയും ഉൾപ്പെടുത്തിയായിരുന്നു പഠനം.


Source link