These Zodiac Signs Will Get Married Soon,വ്യാഴം ഉത്തമ സ്ഥാനത്ത് ഈ നാല് രാശിക്കാര്‍ക്ക്, ഈ വര്‍ഷം തന്നെ മംഗല്യയോഗമുണ്ടാകും! – as jupiter is well placed these four zodiac signs will have mangalya yoga this year itself
Samayam Malayalam•17 May 2023, 3:43 pmAstrological Luck For Marriage | വ്യാഴ ഗ്രഹം ഉത്തമ സ്ഥാനത്തായതിനാല്‍ അടുത്ത എട്ട് മാസത്തിനുള്ളില്‍ ഈ നാല് രാശിക്കാര്‍ക്ക് വിവാഹ യോഗമുണ്ടാകുമെന്നാണ് ജ്യോതിഷം പറയുന്നത്.ഹൈലൈറ്റ്: വ്യാഴം അനുകൂലകരമാണെങ്കില്‍ വിവാഹമുള്‍പ്പടെയുള്ള കാര്യങ്ങള്‍ക്ക് ഭാഗ്യമുണ്ടാകും.പ്രതികൂല സ്ഥാനത്താണെങ്കില്‍ മംഗല്യ തടസ്സങ്ങളും മറ്റ് ദുരിതങ്ങളും അനുഭവിക്കണം.സ്ത്രീ ജാതകത്തില്‍ വിവാഹയോഗം ചിന്തിക്കുന്നത് വ്യാഴ സ്ഥാനം നോക്കിയാണ്. (ഫോട്ടോസ്- Samayam Malayalam) PC: Abhay Patel / Unsplashജ്യോതിഷത്തില്‍ വിവാഹയോഗം ചിന്തിക്കുന്നത് വ്യാഴ ഗ്രഹത്തെക്കൊണ്ട് കൂടിയാണ്. വിവാഹം മാത്രമല്ല ഒരു വ്യക്തിയുടെ സന്തോഷം, ഭാഗ്യം, സാമ്പത്തികം, സമൃദ്ധി, സന്താന യോഗം, കുടുംബ സന്തോഷം എന്നിവയുടെ കാരകനാണ് വ്യാഴം. അതുക്കൊണ്ട് തന്നെയാണ് ഏത് ശുഭകാര്യങ്ങള്‍ക്ക് മുമ്പും വ്യാഴത്തിന്റെ സ്ഥാനം കണക്കാക്കുന്നത്. വ്യാഴം അനുകൂലകരമാണെങ്കില്‍ വിവാഹമുള്‍പ്പടെയുള്ള കാര്യങ്ങള്‍ക്ക് ഭാഗ്യമുണ്ടാകും (Astrological Luck For Marriage). അതേസമയം വ്യാഴം പ്രതികൂല സ്ഥാനത്താണെങ്കില്‍ മംഗല്യ തടസ്സങ്ങളും മറ്റ് ദുരിതങ്ങളും ഒക്കെ അനുഭവിക്കേണ്ടിയും വരും.പുരുഷ ജാതകത്തില്‍ മംഗല്യ ഭാഗ്യം ചിന്തിക്കുന്നത് ശുക്രന്റെ സ്ഥാനം നോക്കിയാണ്. സ്ത്രീ ജാതകത്തില്‍ വിവാഹയോഗം ചിന്തിക്കുന്നത് വ്യാഴത്തിന്റെ അനുകൂല ഭാവം നോക്കിയാണ്. 2023 എപ്രില്‍ 27-ന് വ്യാഴം, മേട രാശിയില്‍ ഉദിച്ചിരുന്നു. അതിനാല്‍ നാല് രാശിക്കാര്‍ക്ക് വ്യാഴം കൊണ്ടുള്ള പല യോഗങ്ങളും പ്രദാനമാകും. ഇതില്‍ ഏറ്റവും പ്രധാനം അവിവാഹിതര്‍ക്ക് മംഗല്യയോഗം സിദ്ധിക്കുന്നുവെന്നതാണ്. അടുത്ത എട്ട് മാസത്തിനുള്ളില്‍ ഇവര്‍ക്ക് മംഗല്യഭാഗ്യമുണ്ടാകും. ഏതൊക്കെ രാശിക്കാര്‍ക്കാണ് മംഗല്യ യോഗം പ്രദാനമാകുന്നതെന്ന് അറിയാം:ഇതെല്ലാം നിങ്ങളുടെ നല്ല നാളുകള്‍ ഉടനെ വരാനിരിക്കുന്നുവെന്നതിന്റെ സൂചനകളാണ്!മേടംവ്യാഴത്തിന്റെ മാറ്റവും ശുക്രന്റെ മാറ്റവും ഒന്നിച്ച് വരുന്നതിനാല്‍ മേടക്കൂറിലുള്ളവര്‍ക്ക് വിവാഹ സംബന്ധമായ കാര്യങ്ങള്‍ക്ക് ഏറ്റവും ഭാഗ്യവുള്ള സമയമാണ്. ലഗ്‌നത്തിലെ വ്യാഴത്തിന്റെ സ്ഥാനം വിവാഹ കാര്യത്തില്‍ അനുകൂലകരമായ മാറ്റങ്ങള്‍ മാത്രമല്ല, ഈ കൂറുകാരുടെ ദാമ്പത്യ ജീവിതത്തില്‍ സന്തോഷകരമായ കാര്യങ്ങള്‍ കൊണ്ടുവരുകയും ചെയ്യുന്നു. വിവാഹ ആലോചനകള്‍, വിവാഹ നിശ്ചയം, വിവാഹം തുടങ്ങിയ എല്ലാ ചടങ്ങുകള്‍ക്കും ജ്യോതിഷപരമായി ഈ രാശിക്കാര്‍ ഉത്തമമായ സമയത്തിലൂടെയാണ് പോകുന്നത്. എട്ട് മാസങ്ങള്‍ക്കുള്ളില്‍ ഇവര്‍ക്ക് വിവാഹം സാധ്യമാകും.കന്നിഅവിവാഹിതരായ കന്നിക്കൂറുകാര്‍ക്ക് മംഗല്യം നടക്കുന്നതിനുള്ള ഏറ്റവും ഉത്തമമായ സമയമാണ്. ഈ രാശിക്കാര്‍ക്ക് മെയ്, ജൂണ്‍ മാസങ്ങളും നവംബര്‍, ഡിസംബര്‍ മാസങ്ങളും വിവാഹ സംബന്ധമായ എല്ലാ കാര്യങ്ങള്‍ക്കും കൂടുതല്‍ ശുഭകരമാണ്. ഈ രാശിയില്‍ ജനിച്ചവരുടെ പത്ത്, പതിനൊന്ന് സ്ഥാനങ്ങളില്‍ ശുക്ര സാന്നിധ്യവും എട്ടാം സ്ഥാനത്ത് വ്യാഴവും നില്‍ക്കുന്നതിനാല്‍ ഇവര്‍ക്ക് മംഗല്യ ഭാഗ്യം കാണുന്നു. വിവാഹ സംബന്ധമായ ചെറിയ തടസ്സങ്ങള്‍ ഉണ്ടെന്ന് തോന്നുമെങ്കിലും അതെല്ലാം തരണം ചെയ്ത് നല്ലൊരു വൈവാഹിക ജീവിതം ഇവര്‍ക്ക് സാധ്യമാകുന്നു.വ്യാഴം ഉത്തമ സ്ഥാനത്ത് ഈ നാല് രാശിക്കാര്‍ക്ക്, ഈ വര്‍ഷം തന്നെ മംഗല്യയോഗമുണ്ടാകും!തുലാം തുലാക്കൂറില്‍ ജനിച്ചവര്‍ക്ക് വിവാഹം ഉള്‍പ്പടെയുള്ള പല ശുഭകാര്യങ്ങളും ജീവിതത്തില്‍ അനുഭവിക്കാന്‍ യോഗമുള്ള സമയമാണിത്. ഏഴാം സ്ഥാനത്താണ് ഈ രാശിക്കാര്‍ക്ക് രാഹുവും വ്യാഴവും നില്‍ക്കുന്നത്. ദാമ്പത്യപരമായി ചെറിയ മന്ദതകളും മറ്റും അനുഭവപ്പെട്ടാലും, അതിനെയെല്ലാം തരണം ചെയ്ത് നല്ലൊരു ജീവിതം സാധ്യമാണ്. എല്ലാ പ്രശ്നങ്ങള്‍ക്കും പരിഹാരം കാണാനും അതിനൊടുവില്‍ മംഗല്യഭാഗ്യത്തിനും യോഗമുണ്ട്. ഈശ്വാരനുഗ്രഹത്തിനുള്ള കര്‍മ്മങ്ങള്‍ അനുഷ്ഠിച്ചാല്‍ ചെറിയ ദുരിതങ്ങള്‍ ഒഴിഞ്ഞ്, അടുത്ത് എട്ട് മാസത്തിനുള്ളില്‍ തന്നെ മംഗല്യ യോഗം ഭവിക്കും.രാശിമകരക്കൂറുകാര്‍ക്ക് വിവാഹം, ദാമ്പത്യം തുടങ്ങിയവയ്ക്ക് ശുഭകരമായ സമയമാണ്. ഈ രാശിക്കാര്‍ക്ക് മെയ്, ജൂണ്‍, ജൂലൈ മാസങ്ങള്‍ മംഗല്യ ഭാഗ്യം സിദ്ധിക്കും. നവംബര്‍-ഡിസംബര്‍ മാസങ്ങളും വിവാഹത്തിന് അനുയോജ്യമായ മാസമാണ്. വിവാഹം, വിവാഹ നിശ്ചയം, വിവാഹാലോചനകള്‍ എന്നിവയ്ക്ക് ഉത്തമമായ സമയമാണ്. ദാമ്പത്യത്തില്‍ സന്തോഷവും സമാധാനവും കൈവരും. വ്യാഴം നാലാം സ്ഥാനത്താണ് ഈ രാശിക്കാര്‍ക്ക് നില്‍ക്കുന്നത്. ഇത് അവര്‍ക്ക് ജീവിതത്തില്‍ സന്തോഷവും ഐശ്വര്യവും നേടിത്തരും.സമ്പത്ത്, ഐശ്വര്യം, സന്തോഷം ഇവരെ തേടിയെത്തും; ഈ നാല് രാശിക്കാര്‍ക്ക് ലക്ഷ്മി കടാക്ഷം എപ്പോഴുമുണ്ടാകും!Disclaimer:ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.
Source link
