Mars Or Kuja Transit In Cancer 2023,Kuja Transit 2023 | കുജന്‍ കര്‍ക്കടകത്തിലേക്ക് കടന്നു, ഈ മൂന്ന് രാശിക്കാര്‍ക്ക് ഇനി അടുത്ത 51 ദിവസത്തേക്ക് ഭാഗ്യം തെളിഞ്ഞു – due to the transit of mars or kuja in cancer these three zodiac signs will have all the fortunes
Samayam Malayalam•
Mars Transit In Cancer 2023 | ചൊവ്വഗ്രഹം കര്‍ക്കടക രാശിയിലേക്ക് സ്ഥാനം മാറിയത്തോടെ മൂന്ന് രാശിക്കൂറുകാര്‍ക്ക് നേട്ടങ്ങളും, ഒന്‍പത് രാശിക്കാര്‍ക്കാര്‍ക്ക് ദുരിത ഫലങ്ങളുമാണ് പ്രദാനമാവുക.
ഹൈലൈറ്റ്:
- 2023 മേയ് 10-നാണ് കുജന്‍ ശാരിമാറിയത്.
- അടുത്ത 51 ദിവസങ്ങളില്‍ കുജന്‍ ഈ രാശിയില്‍ തുടരും.
- മിഥുനക്കൂറില്‍ നിന്ന് കര്‍ക്കടകക്കൂറിലേക്കാണ് മാറിയത്.
ശകവര്‍ഷ പ്രകാരം (ഇന്ത്യന്‍ കലണ്ടര്‍) 1945 വൈശാഖം 20, ന് അതായത് 2023 മേയ് 10-ന് (മലയാള വര്‍ഷം 1198 മേടം 26) ചൊവ്വ ഗ്രഹം രാശി മാറി (Kuja Transit). കുജന്‍ (ചൊവ്വ) മിഥുനരാശിക്കൂറില്‍ നിന്ന് കര്‍ക്കടകരാശിയിലേക്കാണ് മാറിയരിക്കുന്നത്. 2023 ജൂലൈ 01 വരെ ഇനി ചൊവ്വ കര്‍ക്കടരാശിയില്‍ തുടരും. കുജന്റെ രാശിമാറ്റം അടുത്ത 51 ദിവസങ്ങളില്‍ പന്ത്രണ്ട് രാശിക്കാരെയും വ്യത്യസ്ത രീതിയിലാണ് സ്വാധീനിക്കുക. ഒന്‍പത് രാശിക്കാര്‍ക്ക് ഈ സമയം ദുരിതങ്ങളുടെ സമയമായിരിക്കും. എന്നാല്‍ മൂന്ന് രാശിക്കാര്‍ക്ക് അത്യുത്തമമായ സമയമായിരിക്കും. ഇടവം, കന്നി, കുംഭം തുടങ്ങിയ രാശിയില്‍ ജനിച്ച വ്യക്തികള്‍ക്കാണ് ചൊവ്വയുടെ ഗ്രഹമാറ്റത്തിലൂടെ ഭാഗ്യം തെളിയുന്നത്. സാമ്പത്തികം, ആരോഗ്യം, വിദ്യാഭ്യാസം, സമാധാനം, അഭിഷ്ടസിദ്ധി എന്നിങ്ങനെ പലതരത്തിലുള്ള ഗുണകരമായ യോഗങ്ങളാണ് ഈ മൂന്ന് രാശിക്കാരെയും കാത്തിരിക്കുന്നത്. വിശദമായി അറിയാം:
ബുധഗ്രഹത്തിന്റെ മേടരാശിയിലെ ഉദയം; ഈ മൂന്ന് രാശിക്കാര്‍ അടിതെറ്റിവീഴാതെ പിടിച്ചുനില്‍ക്കണം!ഇടവം രാശി
ഇടവരാശിയിലെ (കാര്‍ത്തിക 3/4, രോഹിണി, മകയിരം 1/2) ചൊവ്വയുടെ മൂന്നാം ഭാവം ആ രാശിക്കാരെ ഉത്തമമായ യോഗത്തിലേക്ക് നയിക്കും. സാമ്പത്തികമായി നേട്ടങ്ങള്‍ വന്നുഭവിക്കും. കുടുംബത്തില്‍, പ്രത്യേകിച്ച് ദാമ്പത്യത്തില്‍ സുഖവും സമാധാനവും അനുഭവിക്കാനാകും. മന്ദഗതിയിലോ മുടങ്ങികിടന്നതോ ആയ കാര്യങ്ങള്‍ നല്ല രീതിയില്‍ ഇനി മുന്നോട്ട് കൊണ്ടുപോകാന്‍ സാധിക്കും. ഭാവിയിലേക്കുള്ള കരുതല്‍ നടപടികള്‍ മികച്ച രീതിയില്‍ നടപ്പിലാക്കും. ഉദ്യോഗാര്‍ത്ഥികള്‍ക്കും വിദ്യാര്‍ത്ഥികള്‍ക്കും ഗുണകരമായ കാര്യങ്ങള്‍ ഭവിക്കും. വസ്തുവകകലില്‍ അനുകൂലകരമായ യോഗമുണ്ടാകും. ജീവിതം മൊത്തത്തില്‍ ഗുണകരമായിരിക്കും.
കന്നി രാശി
കന്നിരാശിയിലെ (ഉത്രം 3/4, അത്തം, ചിത്തിര 1/2) ചൊവ്വയുടെ പതിനൊന്നാം ഭാവം, ഇനിയുള്ള ദിവസങ്ങളെ അനുകൂലകരമായി മാറ്റും. വളരെ കാലമായി ആഗ്രഹിക്കുന്നതോ പരിശ്രമിക്കുന്നതോ ആയ കാര്യങ്ങള്‍ എല്ലാ വിഘ്‌നങ്ങളും മന്ദതകളും മാറി ശുഭകരമായി മാറും. മാനസികമായ പ്രയാസങ്ങളും സമ്മര്‍ദങ്ങളും ഒഴിഞ്ഞ് നില്‍ക്കും. ജീവിതത്തില്‍ നല്ല ലക്ഷ്യബോധവും ഊര്‍ജ്ജസ്വലതയും ഉണ്ടാകും. സമൂഹത്തില്‍ കീര്‍ത്തിയും ബഹുമാന്യതയും വന്നുഭവിക്കും. തൊഴില്‍പരമായി പല ഗുണങ്ങളും അനുഭവിക്കും. പ്രണയം, വിവാഹം തുടങ്ങിയ കാര്യങ്ങളില്‍ അനുകൂലകരമായ തീരുമാനങ്ങളുണ്ടാകും.
Kuja Transit 2023 | കുജന്‍ കര്‍ക്കടകത്തിലേക്ക് കടന്നു, ഈ മൂന്ന് രാശിക്കാര്‍ക്ക് ഇനി അടുത്ത 51 ദിവസത്തേക്ക് ഭാഗ്യം തെളിഞ്ഞു
കുംഭം രാശി
കുംഭരാശിയിലെ (അവിട്ടം 1/2, ചതയം, പൂരൂരുട്ടാതി 3/4) ചൊവ്വയുടെ ആറാം ഭാവം, ജീവിത്തില്‍ പല നേട്ടങ്ങളിലേക്കും നയിക്കും. ഇതുവരെ തടസ്സപ്പെട്ടിരുന്ന ആനുകൂല്യങ്ങള്‍ക്ക് ഗുണപരമായ തീരുമാനമുണ്ടാകും. ശത്രുദോഷങ്ങള്‍ കുറയും. ബന്ധുജനങ്ങളും സൗഹൃദബന്ധങ്ങളും ഗുണകരമായി വര്‍ത്തിക്കും. നൂതന സംരംഭങ്ങള്‍, പദ്ധതികള്‍ എന്നിവ ഏറ്റെടുക്കും. ആത്മവിശ്വാസവും കര്‍മ്മശേഷിയും വര്‍ദ്ധിക്കും. തൊഴില്‍പരമായി സത്യവും നീതിയും പാലിക്കാന്‍ സാധിക്കും. സാമ്പത്തികമായി ലാഭമുണ്ടാകും.സമൂഹത്തില്‍ കീര്‍ത്തിയും അംഗീകാരവുമുണ്ടാകും. നേതൃസ്ഥാനങ്ങള്‍ വഹിക്കാന്‍ അവസരമുണ്ടാകും.
മറ്റ് ഒന്‍പത് രാശികൂറുക്കാര്‍ക്കുള്ള ഫലങ്ങള്‍
കുജന്‍ കര്‍ക്കടക രാശിയിലേക്ക് മാറിയതിനാല്‍ മറ്റ് ഒന്‍പത് രാശിക്കാര്‍ക്ക് കാര്യങ്ങല്‍ പ്രതികൂലകരമായിരിക്കും. മേടക്കൂറുകാര്‍ക്ക് രോഗദുരിതങ്ങളും സാമ്പത്തിക ദുരിതങ്ങളും; മിഥുനക്കൂറുകാര്‍ക്ക് ശത്രുദുരിതങ്ങളും ആശങ്കളും; കര്‍ക്കിടകക്കൂറുകാര്‍ക്ക് രോഗദുരിതങ്ങളും അപകട ഭയവും; ചിങ്ങക്കൂറുകാര്‍ക്ക് സാമ്പത്തിക ദുരിതങ്ങളും രോഗദുരിതങ്ങളും; തുലാക്കൂറുകാര്‍ക്ക് കര്‍മദുരിതവും, മാനസികദു:ഖങ്ങളും; വൃശ്ചികക്കൂറുകാര്‍ക്ക് രോഗദുരിതങ്ങളും നിര്‍ഭാഗ്യവും; ധനുക്കൂറുകാര്‍ക്ക് രോഗദുരിതങ്ങളും സാമ്പത്തിക ദുരിതങ്ങളും; മകരക്കൂറുകാര്‍ക്ക് കുംടുബ പ്രശ്‌നങ്ങളും ഭിന്നതകളും; മീനക്കൂറുകാര്‍ക്ക്് സന്താനദുരിതങ്ങളും അധികചെലവുകളുമാണ് ഫലം.
ഗ്രഹനിലയും ജന്മനക്ഷത്ര ദശാപഹാരങ്ങളും അടിസ്ഥാനമാക്കി ഓരോ രാശിക്കാര്‍ക്കും ഗുണദോഷങ്ങളില്‍ ഏറ്റക്കുറച്ചിലുകളോടെയാവും അനുഭവിക്കേണ്ടി വരുക.
Capricorn Girls Love | മകരം രാശിയിലെ പെണ്‍കുട്ടികള്‍ക്ക് പ്രണയ പൊരുത്തമുള്ള രാശിക്കാര്‍ ഇവരാണ്!
Disclaimer:
ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.
Source link
