ഓരോ വീടും ഓരോ ജീവിതമാണ്; ‘എന്റെ വീട് ’ പദ്ധതിയില്‍ 1000 വീടുകൾ പൂർത്തിയാക്കുമ്പോൾ…
തലചായ്ക്കാനൊരിടം… മനുഷ്യരുടെ വലിയ ആഗ്രഹങ്ങളിലൊന്നായി പലപ്പോഴും തെളിയുന്ന ഉത്തരം. മഴയും വെയിലുമേൽക്കാതെ പ്രിയപ്പെട്ടവരെ ചേർത്തുപിടിച്ചുറങ്ങാൻ അടച്ചുറപ്പുള്ളൊരു കൊച്ചുവീട്. വീടില്ലാത്തവർക്കേ ആ സങ്കടത്തിന്റെ ആഴം കൃത്യമായി അറിയാൻകഴിയൂ. സ്വന്തമായി ഒരു വീട് എന്ന സ്വപ്നത്തിലേക്ക് എത്താൻകഴിയാതെ സങ്കടപ്പെട്ടിരുന്ന നൂറുകണക്കിന് അശരണരുടെ കൈപിടിച്ചാണ് ‘മാതൃഭൂമി’യും കെ. ചിറ്റിലപ്പിള്ളി ഫൗണ്ടേഷനും ‘എന്റെ വീട്’ എന്ന പദ്ധതിയിലേക്ക് നടന്നത്. പദ്ധതിയിൽ ആയിരം വീടുകളെന്ന നന്മയുടെ നിറവിലെത്തുകയാണ്. കേരളം കണ്ട ഏറ്റവും വലിയ കാരുണ്യപദ്ധതികളിലൊന്നായ ‘എന്റെ വീട്’ പദ്ധതി ആയിരം വീട് പൂർത്തിയാക്കുമ്പോൾ അതിന്റെ അമരക്കാരിൽ ഒരാളായ എം.വി. ശ്രേയാംസ് കുമാർ (മാതൃഭൂമി മാനേജിങ് ഡയറക്ടർ ) സംസാരിക്കുന്നു ‘എന്റെ വീട്’ പദ്ധതി ആയിരം വീടെന്ന നിറവിലെത്തിനിൽക്കുമ്പോൾ എന്താണ് മനസ്സിൽ നിറയുന്ന വികാരം
Source link
