ട്രംപിന്റെ പകരച്ചുങ്കം ഇന്ത്യയ്ക്ക് കടമ്പയോ?; ഏഷ്യൻ രാജ്യങ്ങൾക്കേറ്റ തിരിച്ചടി മുതലെടുക്കാൻ കേന്ദ്ര നീക്കം

ന്യൂഡൽഹി ∙ ‘‘ഇന്ത്യൻ പ്രധാനമന്ത്രി എന്റെ അടുത്ത സുഹൃത്താണ്. അദ്ദേഹം ഈ അടുത്താണ് ഇവിടെ വന്നുപോയത്. എന്നാൽ യുഎസ് ഉൽപന്നങ്ങളുടെ മേൽ ഇന്ത്യ ചുമത്തുന്ന ഇറക്കുമതി ചുങ്കം വളരെ കടുപ്പമാണ്. 52 ശതമാനം നികുതിയാണ് യുഎസിന്റെ ഉൽപനങ്ങൾക്കുമേൽ ഇന്ത്യ ചുമത്തുന്നത്.’’ – യുഎസിന്റെ സുവർണ ദിനം എന്ന പേരിൽ പുതിയ പകരച്ചുങ്കം അവതരിപ്പിച്ചുകൊണ്ട് ഡോണൾഡ് ട്രംപ് പറഞ്ഞ വാക്കുകളാണിത്.പുതിയ പകരച്ചുങ്കം അനുസരിച്ച് 26 ശതമാനമാണ് ഇന്ത്യയ്ക്കുമേൽ ഏർപ്പെടുത്തിയിരിക്കുന്നത്. ഇത് ഇന്ത്യയിൽ സമിശ്ര ഫലമാകും ഉണ്ടാക്കുക എന്നാണ് സാമ്പത്തിക വിദഗ്ധർ വിലയിരുത്തുന്നത്. യുഎസിലേക്കുള്ള മത്സ്യം, വസ്ത്രം, സ്റ്റീൽ, ഓട്ടമൊബീൽ തുടങ്ങിയവയുടെ കയറ്റുമതിയേയും പകരച്ചുങ്കം കാര്യമായി ബാധിക്കും എന്നതിൽ സംശയമില്ലെന്നാണ് വിദഗ്ധർ വിലയിരുത്തുന്നത്. ഇതിൽ മത്സ്യ കയറ്റുമതിയാകും കേരളത്തെ ഏറ്റവുമധികം ബാധിക്കുക. എന്നാൽ ഫാർമസ്യൂട്ടിക്കൽ മേഖലയ്ക്കു തീരുവയിൽനിന്ന് ഇളവുള്ളത് ഇന്ത്യയ്ക്ക് ആശ്വാസത്തിനു വക നൽകുന്നുമുണ്ട്.


Source link