ലഹരിയും പ്രണയക്കെണിയും യാഥാര്‍ഥ്യം: പി.സി. ജോര്‍ജിനെ പിന്തുണച്ച് സിറോ മലബാര്‍ സഭാ കമ്മീഷന്‍
കോട്ടയം: പി.സി ജോര്‍ജിനെ പിന്തുണച്ച് സിറോ മലബാര്‍ സഭ രംഗത്ത്. പ്രണയക്കെണികളെയും ഭീകരപ്രവര്‍ത്തനങ്ങളെയും കുറിച്ച് പി.സി ജോര്‍ജ് പറഞ്ഞതില്‍ അടിസ്ഥാനമുണ്ടെന്നും സിറോ മലബാര്‍ സഭ പബ്ലിക്ക് അഫയേര്‍സ് കമ്മീഷന്‍ പ്രസ്താവിച്ചു. ആര്‍ച്ച് ബിഷപ്പ് ആന്‍ഡ്രൂസ് താഴത്ത്‌ ചെയര്‍മാന്‍ ആയിട്ടുള്ള സിറോ മലബാര്‍ സഭയുടെ പബ്ലിക്ക് അഫയേഴ്‌സ്‌ കമ്മീഷന്റെ വാര്‍ത്താക്കുറിപ്പിലാണ്‌ ഇതേ കുറിച്ച് വ്യക്തമാക്കിയിട്ടുള്ളത്ലഹരി വിപത്തിനെതിരെ കെ.സി.ബി.സി മദ്യവിരുദ്ധ സമിതിയുടെ ആഭിമുഖ്യത്തില്‍ പാലായില്‍ സംഘടിപ്പിച്ച പരിപാടിയില്‍ പി.സി ജോര്‍ജ് പറഞ്ഞ കാര്യങ്ങളില്‍ വസ്തുയുണ്ടെന്നാണ് വാര്‍ത്താക്കുറിപ്പില്‍ പറയുന്നത്. പ്രണയക്കെണികളെ കുറിച്ചും ഭീകര പ്രവര്‍ത്തനങ്ങളെ കുറിച്ചും ലഹരി വ്യാപനത്തെ കുറിച്ചും പി.സി ജോര്‍ജ് പറഞ്ഞതില്‍ അടിസ്ഥാനമുണ്ട്. സിറോ മലബാര്‍ പബ്ലിക്ക് അഫയേര്‍സ് കമ്മീഷന്‍ ഇക്കാര്യങ്ങള്‍ വിലയിരുത്തി എന്നത് കൂടി വ്യക്തമാക്കുന്നു. മതരാഷ്ട്രവാദികളെ ഒറ്റപ്പെടുത്താനും ജനാധിപത്യത്തിന്റെ അന്തസത്ത സംരക്ഷിക്കാനും ജാതിമതഭേദമന്യേ എല്ലാ പൗരന്‍മാര്‍ക്കും കടമയുണ്ട്-കുറിപ്പില്‍ പറയുന്നു.
Source link
