വിവാഹ മോചനം വേഗത്തിലാക്കും; ചെഹൽ ധനശ്രീക്ക് നൽകുന്ന ജീവനാംശം 60 കോടി അല്ല, വിവരങ്ങള്‍ പുറത്ത്
മുംബൈ∙ ഇന്ത്യൻ ക്രിക്കറ്റ് താരം യുസ്‍വേന്ദ്ര ചെഹലിന്റേയും ധനശ്രീ വർമയുടേയും വിവാഹമോചനക്കേസില്‍ കോടതി നടപടികള്‍ വേഗത്തിലാക്കാൻ ബോംബെ ഹൈക്കോടതിയുടെ ഉത്തരവ്. വിവാഹമോചനം അനുവദിക്കുമ്പോഴുള്ള ആറു മാസത്തെ കാലതാമസം ഒഴിവാക്കണമെന്ന് കോടതി നിർദേശം നൽകി. മാർച്ച് 20ന് വിവാഹമോചനക്കേസിൽ തീരുമാനമെടുക്കണമെന്നാണ് ബോംബെ ഹൈക്കോടതി കുടുംബ കോടതിക്കു നൽകിയ നിർദേശം. മാർച്ച് 22 മുതൽ ചെഹലിന് ഐപിഎൽ കളിക്കേണ്ടതിനാലാണു നടപടികൾ നേരത്തേയാക്കുന്നതെന്ന് ഒരു ദേശീയ മാധ്യമം റിപ്പോർട്ട് ചെയ്തു.ഐപിഎല്ലിൽ പഞ്ചാബ് കിങ്സിന്റെ താരമാണു ചെഹൽ. ആറു മാസത്തെ കാലയളവ് ഒഴിവാക്കണമെന്ന് ആവശ്യപ്പെട്ട് ചെഹലും ധനശ്രീയും കോടതിയെ സമീപിച്ചിരുന്നെങ്കിലും, കുടുംബ കോടതി ഈ ആവശ്യം തള്ളുകയായിരുന്നു. ജസ്റ്റിസ് മാധവ് ജാംധാറിന്റെ ബെഞ്ചാണ് ഹൈക്കോടതിയില്‍ കേസ് പരിഗണിച്ചത്. ഫെബ്രുവരിയിലാണ് ചെഹലും ധനശ്രീയും വിവാഹമോചനത്തിനായി കോടതിയെ സമീപിച്ചത്. ആറു മാസക്കാലയളവ് ഒഴിവാക്കണമെന്ന് ആ സമയത്തു തന്നെ ഇരുവരും അഭ്യർഥിച്ചിരുന്നു.
Source link
